I-Uber iphucwe ilayisensi yokusebenza eLondon

2017-09-22 14:01

London -  UMnyango wezokuThutha eLondon uthathe isinqumo sokuphuca inkampani yakwa-Uber ilayisensi yokusebenza.

Kuthiwa le nkampani izogcina ukusebenza ekupheleni kwale nyanga.

Lesi sinqumo siphazamise abashayeli abalinganiselwa ku-40 000 nokuyinto ezoyilimaza kakhulu le nkampani.

“Indlela yokusebenza ye-Uber kanye nokuziphatha kwayo kubonisa ukungabi nokunakekela nokuba nendaba nezimo eziningi ezihambelana nokuvikeleka kanye nokuphepha komphakathi,” kusho abezokuthutha eLondon.

OLUNYE UDABA:Kuthungathwa umshayeli we-Uber ohlukumeze ngokocansi owesifazane

Le nkampani inelungelo lokufaka isikhalazo ngalesi sinqumo kungakapheli izinsuku ezingu-21, okwamanje ayitholakalanga ukuphawula ngalolu daba.

Akukacaci kahle ukuthi izokwazi na ukuqhubeka nokusebenza ngenyanga ka-Okthoba uma kungukuthi izofaka isicelo sokuphikisa lesi sinqumo.

Le nkampani ithole okukhulu ukugxekwa kuleliya lizwe; kukhalaza izinyunyana, abezomthethi, kanye nabama-metered taxi ngendlela esebenza ngayo.

Nakwamanye amazwe lapho isebenzela khona, izinto azihambi kahle njengoba ziziningi izinkinga okubalwa kuzo ubuqhwaga nokucwaswa kwabasebenzi ngokobulili njengoba kwaze kwaxoshwa umphathi oyingxenye yabasunguli bayo le nkampani uTravis Kalanick ngemuva kokuthi abatshali bezimali basabise ngokuyilaxaza.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.