IChiefs ezingxoxweni zenkontileka entsha nomdlali - umbiko

2017-01-05 10:00

Cape Town – Umdlali ogijima esiswini kwiKaizer Chiefs, uGeorge Maluleka, kulindeleke ukuba asayine inkontileka entsha nalezi zinkunzi zaseSoweto.

Ngokombiko weSoccer Laduma, inkontileka yalo mdlali owayegijima ku-Ajax Cape Town isisalelwe yizinyanga eziyisithupha nje kuphela ekuMakhosi kanti seziqalile nezingxoxo zenkontileka entsha.

Lokhu kusho ukuthi lo mdlali usekhululekile ukuthi usengaxoxisana nanoma iyiphi ikilabhu emufunayo.

OLUNYE UDABA: Abadlali abane beChiefs bazoziqeqesha nelaphesheya

Kodwa-ke noma kunjalo, lo mdlali oneminyaka engu-27 ubudala ubelokhu eyingxenye yesikwadi samaGlamour Boys ngaphansi kwesandla somqeqeshi, uSteve Komphela.

UMaluleka wajoyina leli qembu laseNaturena evela kuSuperSport United kanti kusukela lapho usevalele amagoli angu-9 enethini ewashayela iChiefs.

Kusenjalo, uMaluleka kanye nabanye abadlali beChiefs bazobe benethemba lokuthi bazokwazi ukuzigcina besesimweni esifanele uma ngabe iPremier Soccer League (PSL) isibuya ekhefini ngasekuqaleni kukaFebhuwari.

IChiefs izodlala umdlalo wayo olandelayo neFree State Stars ngoLwesibili, mhla zingu-7 kuFebhuwari. 

NEXT ON NEWS24X

AB praises selfless skipper

2010-11-21 18:15

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.