IChiefs izama ukuboleka oweBafana, owayedlalela iPirates

2017-10-09 14:00

Durban - IKazier Chiefs ihlela ukuboleka umgadli weBafana Bafana ozinze e-Europe ngemizamo yokuqeda isomiso samagoli esihlasele ikilabhu yakwaMotaung.

ILANGA lihletshelwe yimithombo yalo engaphakathi kwiChiefs ukuthi le kilabhu ihlela ukuboleka uKermit Erasmus ogijima kwiRennes edlala kwiLeague1 eFrance.

U-Erasmus ushiye i-Orlando Pirates kumasizini ambalwa edlule wajoyina le kilabhu yaseFrance.

Nokho ufike wadonsa kanzima ukuthola isikimu njengoba egijime imidlalo eyishumi nakhona eqala ebhentshini. Akayishayelanga ngisho igoli elilodwa.

Maphakathi nesizini edlule iRennes imbolekise kwiLens egijima kwiLeageu2 wadlala imidlalo engu-12 walishayela igoli elilodwa nje vo.

Ubuyele kwiRennes. Selokhu kuqale isizini isikimu singabakwekazi kuyena njengoba umqeqeshi wezakhe, uChistian Gourcuff, edlalisa uNdombe Mubele waseDemocratic of Congo (DRC), oseshayele le kilabhu amagoli amathathu emidlalweni engu-8.

OLUNYE UDABA: Kushone umdlali engozini yemoto

ILANGA lithole ukuthi uBobby Motaung oyimenenja jikelele yeChiefs, uxhumane nabaphathi baka-Erasmus ngenhloso yokuba bakhulume nekilabhu yakhe ibaboleke yena uma sekuvulwe iwindi lokudayiselana ngabadlali ngoJanuwari.

Kuthiwa isizathu esenza afune lo mdali ukuthi usezame wehluleka ukuthola umgadli.

Kuthiwa uMotaung uselinde impendulo kubaphathi balo mdlal. Kodwa futhi kuthiwa nesivumelwano sizoncika ekutheni iChiefs iyavuma yini ukumkhokhela u-R800 000 njalo ngenyanga engakabalwa amabhonasi.

Iphephandaba libuza uMotaung ngalolu daba uthe akukho azokusho ngoba bebesematasa neMafuce Cup kodwa wavuma ukuthi badinga umgadli.  

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.