IChiefs izodlala singekho isiqongqwane sasemuva

2017-02-17 18:00

Cape Town – Isiqongqwane sasemuva seKaizer Chiefs, u-Eric Mathoho, sizowuzwa ngendaba umdlalo olandelayo waleli qembu uma ngabe selibhekene neHighlands Park kulandela ukumiswa kwaso ngenxa yokuthola amakhadi angu-5 aphuzi.

Lokhu kumiswa kwalo mdlali kungase kuwagqeme ingozi amaGlamour Boys njengoba lesi siqongqwane sasemuva sesijwayele ukudlala ngokubambisana noLorenzo Gordinho ukuqinisa udonga lweChiefs.

OLUNYE UDABA: I-Ajax ifuna ukuwuletha eThekwini umdlalo wayo neChiefs

Kodwa-ke ngakolunye uhlangothi, ukungabi bikho kwalesi sitobha esineminyaka engu-26 kungase kunike abadlali abafana noDaniel Cardoso kanye noSiyanda Xulu ithuba lokuthi bachaze umqeqeshi uSteve Komphela.

Ngakolunye uhlangothi, uKomphela kungenzeka azame ezinye izindlela zokuvala isikhala, okubalwa nokuthi adlalise uRamahlwe Mphahlele endaweni kaMathoho, bese efaka omunye wabadlali bakhe emuva, ohlangothini langakwesokudla.

IChiefs izobhekana neLions of the North ngoMgqibelo emdlalweni we-Absa Premiership eMoses Mabhida Stadium, eThekwini.

Lo mdlalo uzoqala ngo-18:00.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.