Igxekiwe eyokubulawa kwabantu ababili abangenacala ePinetown

2017-09-06 19:30

Durban – Iqulu labantu libulale abantu ababili abangenacala ngemuva kokubasola ngokuthumba umfana oneminyaka engu-11 ubudala ePinetown, entshonalanga yeTheku, kusho amaphoyisa ngoLwesithathu.

Okhulumela amaphoyisa uColonel Thembeka Mbhele uthe lesi sigameko senzeke ngabo-17:00 ngoLwesibili kuStanfield Lane ngesikhathi ubaba walo mfana emshiye nomngani wakhe (ubaba) emotweni.

"Ubaba uye ezitolo eyothengela umfana into yokudla, eshiya ingane nomngani wakhe. Uthe esebuya ngemuva kwemizuzu embalwa wabona imoto abeshiye kuyo ingane isilele ngohlangothi,” kusho uMbhele.

Lo baba ube esebona iqulu lishaya umngani wakhe.

OLUNYE UDABA: Kubulawe abantu abane eMlazi oshayasibhamu bevulela ngenhlamvu

"Kukholakala ukuthi umphakathi ubusola ukuthi umngani wakhe uthumbe le ngane. Umngani wakhe ulimale kanzima washonela endaweni yesigameko. Omunye umuntu ongaziwa naye ushaywe washona ezama ukulamula,” esho.

Uthe amaphoyisa ayaphenya ngokwenzekile okuholele ekutheni kushone la madoda.

UMbhele uthe amaphoyisa acela usizo ekufunisweni umndeni wale ndoda engaziwa eshonile.

“Owesilisa omnyama ohlawumbiselwa eminyakeni eko-40 ubudala. Ubegqoke ugawini oluhlaza sasibhakabhaka nesikibha esimpunga,” esho.

Ibamba likaKhomishana wamaPhoyisa KwaZulu-Natal, uMajor General Bheki Langa, usigxekile lesi senzo sobugebengu.

Kucelwa noma ngabe ngubani ongasiza ekuhlonzweni kwale ndoda ukuba ashayele amaphoyisa asePinetown noma iCrime Stop ku-08600 10111.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.