Incwadi kasaziwayo ifaniswa ne-Ford Kuga kwezokushicilela

2017-08-11 19:29

Johannesburg - Baningi abalandeli kabaBonang Matheba abebeyithakasele indaba yokuthi lo saziwayo uzokhipha incwadi ngempilo yakhe, kodwa injabulo yashabalala ngesikhathi kubonakala ukuthi abebekulindili nalokhu abakutholayo akufani.

Yize kuyincwadi exoxa ngempilo yalo saziwayo, akusiyena oyibhalile.

Lo saziwayo waqasha intokazi engumbhali uGugu Mhlungu ukuthi kube nguyena obhalayo.

Indlela okuvame ukwenzeka ngayo kulezi zimo wukuthi umnikazi wendaba uyaye aqashe umuntu azohlala naye phansi babe nengxoxo.

Lowo muntu nguyena ozobhekana nomsebenzi wokuguqula le ngxoxo ayibhale phansi kube wusomqulu ozokwenziwa incwadi.

Ngemuva kokuba kubhalwe, umnikazi wendaba uyaye ayifundisise uma esegculisekile ngayo, bayithumele kubashicileli, kulokhu le ncwadi ishicilelwe ngabe-Blackbird Publishers.

Umshicileli wuyena oqasha umhleli ozohlela le ncwadi aqinisekise ukuthi ulimi, ukubhalwa kwencwadi kuhlelekile futhi ifundeka kahle.

OLUNYE UDABA:Zishaye into ephansi izinhlelo ezethulwa osaziwayo kumabonakude

Uma sekwenzekile lokhu, umhleli uyaye ayibuyisele incwadi kumbhali ukuba alungise amaphutha okokugcina ngaphambi kokuba ibuyiselwe kumnikazi ozoqinisekisa ukuthi konke kulungile ngaphambi kokuba kushicilelwe.

Kubonakala sengathi konke lokhu akwenzekanga ngesikhathi kukhishwa le ncwadi esiphenduke inhlekisa empkhakathini.

Le ncwadi isithathwa njenge-Ford Kuga kwezokushicilela ngoba nayo yayinenqwaba yezinkinga ezingachazeki abanikazi bayo baze baphoqeleka ukuba bayibuyisele esitolo iyolungiswa.

Nale ncwadi nayo isihoxisiwe ukudayisa kanti isitolo okuyisona esiyidayisayo i-Exclusive Books isiveze ukuthi amakhasimende ayithengile angayibuyisa incwadi ukuze bathole izimali zabo, kubika iSowetan Live.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.