Indida umama ezokhela ngomlilo emotweni ekade ehambise izingane esikoleni

2017-10-02 19:29

Harare – Owesifazane oneminyaka engu-33 ubudala uzokhele ngomlilo washona engaphakathi emotweni yakhe ngaphandle kwaseNational Sports Stadium, eHarare, eZimbabwe, ngesonto eledlule.

Ngokusho kwephephandabs elingaphansi koMbuso, iHerald, amaphoyisa asiqinisekisile lesi sigameko, anenezela ngokuthi athole le moto ishe yangqongqa. Isidumbu salo wesifazane besingaphakathi kule moto.

Kuthiwa uzishisa nje ubekade eqeda ukubeka izingane esikoleni.

Amaphoyisa asola izinkinga zasekhaya ukuthi yizo eziholele ekutheni azibulale.

Umbiko uqhube ngokuthi kunophenyo oluqhubekayo ukuze kutholakale ukuthi yini eholele kulesi sigameko.

OLUNYE UDABA: Uzokhele ngomlilo washona obexabene nomkakhe

"Ushiye umyeni wakhe no-anti ekhaya, kuthe uma ethatha isikhathi eside ukubuya, umndeni wanquma ukumlandela. Bathole imoto abehamba ngayo isha ubuhanguhangu, eseshonile ngaphakathi.

"Imoto ibingasabonakali, kanti kusolwa ingxabano yasekhaya kulesi sehlakalo, yize okwamanje imininingwane ingacaci kahle," kucashunwe okholumela amaphoyisa esho kanje.

Lesi sigameko siza ngemuva kwamasonto amathathu omunye wesifazane waseChipare, eChipinge, edle ushevu washona ngemuva kokuthi umyeni wakhe evune imifino ensimini yakhe wayinikeza unkosikazi wakhe wesibili, kubika iNew Zimbabwe.com.

Amaphoyisa athi uSibongile Munyanya, 24, ushone ngemuva kokuphuza umuthi wokubulala izinambuzane.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.