Indoda isolwa ngokubulala umkayo, yalahla isidumbu emfuleni

2018-03-27 19:27

Lagos - Owesilisa ogama lakhe nguNnana Ononaku, uvele eNkantolo yeMantshi yase-Ebute Meta ngoMsombuluko ngezinsolo zokunklinya unkosikazi wakhe waze washona maqede walahla isidumbu sakhe.

U-Ononaku, 45, wabekwa icala lokubulala ngemuva kokuba ngumsolwa kuleli cala, kubika iPunch.

Umsolwa akazange abuzwe ukuthi uyalivuma noma uyaliphika na icala ngesikhathi evele enkantolo.

Ngaphambilini, umshushisi omkhulu u-Inspector Cousin Adams, watshela inkantolo ukuthi umsolwa lesi sigameko kusolakala ukuthi wasenza ngomhlaka-15 Febhuwari nonyaka.

U-Adams uthe umsolwa kukholakala ukuthi wanklinya unkosikazi wakhe u-Iyabo Akinpelu, 48, ngaphambi kokulahla isidumbu sakhe osebeni lomfula.

OLUNYE UDABA: Ulale okokuqala ejele owabulala umkakhe esayiphoyisa

“Isidumbu sikamufi satholakala sintanta emanzini, izandla zakhe ziboshwe ngentambo," kusho umshushisi.

Uthe umsolwa wephula uSection 223 weCriminal Law of Lagos State, okubeka ngokusobala ukuthi abantu abalahlwa yileli cala isigwebo sabo kuba ngukufa.

IMantshi u-A.O. Adegite, uyalele ukuba umsolwa agqunywe esitokisini kuze kube uphiko lokushushiswa komphakathi lukhipha isinqumo ngaleli cala abhekene nalo.

Icala lihlehliselwe umhlaka-30 Ephreli.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.