INGOSI: Uxoshwe yini vele kini?

2016-07-04 14:31

Multimedia   ·   User Galleries   ·   News in Pictures Send us your pictures  ·  Send us your stories

Durban - Nakhu-ke wena usukipitile kubo kasoka lakho, uhleli nje kumnandi uthando luvutha amalangabi usuze waphenduka ingane yalapha ekhaya.

Kodwa umama wakhe akakuthandi,

Izingane zakhona zihlezi zibalisa ngalokhu nalokhuya zikugcona,

O-anti nogogo bakhona balokhu behleka ubala uma bekubona, ubezwe sebebuzana bodwa emakhoneni, “kodwa weJabu dadewethu, lo makoti wakho wamahhala kuyisimakanjani ngaye,” bebuza “umamazala wakho phela”

hehehe, wena ulokhu uqhoqhobele lapha ujabulela nje ukuthi isoka/ubaba wezingane zakho uyakuthanda nawe uyamuthanda.

Ubuye akudelele yena lo dali wakho, afike nezintombi uma ungekho uvakashele kini, ngoba phela usuwaphenduka isivakashi kini, bathuka kabi uma bekubona ukhonkothwa nayinja.

Usubona nje ngekamu nento yokubopha izinwele ukuthi kukhona obekavakashile isithandwa sakho wena ungekho.

OLUNYE UDABA:INGOSI: Maningi amadoda athwele imithwalo okungeyona eyawo

Buye adelelani lamantombazane ancikisiwe uma ethola ithuba avele afune ukuziveza.

Uzobekezela phela uzothini, kudala nithandana nalo muntu, wazishintshela yena bakithi manje uzomlahlela bani, futhi-nje okukabani ukuqala uthando olusha.

Buye kuyacika ukufunda umuntu omusha, eyi uzokuzela nezinto ongazazi ebanga isicefe, kungcono khona ukubekezela khona la.

Eyi uma kunemisebenzi, babodwa abakujabulelayo ukuba khona kwakho la ekhaya, buye ukhuthele yini, ikhono lakho lokushaya ujeqe likwenzwe waba ungqoshishilizi ekhishini.

Bese kuba khona loyo malume, sonke sinaye loyo malume, akakhulumi unani, muyeke uma eseshaye i-two-nyana.

Uvele akubuze umbuzo olula kodwa onzima, wematoki kadadewethu, bathini kini njengoba uhleli la ekhaya kwaNxumalo?

WeMbongeni, seniyazenzela emzini kadadewethu senahlala nezintombi nje nizenzela umathanda.

Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

Izindaba.News24


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.