Inkosi icele ukuba kuphele ukubizwa kwabanye ngamakwerekwere

2017-10-16 14:04

Durban  - Izinyaziswe ngozakwabo abangamehlo eSilo samaZulu, uZwelithini kaBhekuzulu, iNkosi Zeblon Gumbi yesizwe sakwaGumbi eMvokweni oPhongolo, enyakatho yeKwaZulu-Natal, ebivakashelwe ngabezizwe zakwamanye amazwe ezidlelana nesayo njengoba bekunomgubho obizwa ngoMsimbithi Cutural Festival ngoMgqibelo.

Lo mgubho obekungokweshumi wenzeka - emuva kokusungulwa yinkosi esesihlalweni - ubuKwaMuntengiphoqa okuyisigodlo senkosi.

Okunye obekusohlelweni lwalo mgubho wukukhumbula amakhosi alesi sizwe asalala kobandayo - abekhunjulwa ngamagalelo awo ahlukene.

Phakathi kwawo kubalwa iNkosi Somkhanda uNtini, uNkomazane, uSivumo neNkosi Myekeni ezala iNkosi Zeblon, esesihlalweni.

OLUNYE UDABA:ISilo namanje asineme ngegama lomsakazo Ukhozi FM

Ezithunyweni zakwamanye amazwe, bekuyizicukuthwane zesizwe sakwaJere (Jele) ezisuka eMalawi naseZambia ziholwa nguDkt Boston Soko eMzuzu University, eMalawi.

Amakhosi aKwaZulu abekhona yinkosi yakwaZikhali eMbazwane enyakatho-mpumalanga yeKwaZulu-Natal, yinkosi yakwaMjoli eMahhushwini, eXobho maphakathi nalesi sifundazwe, yinkosi yakwaCele eMzumbe neNkosi yakwaMandlakazi ebihola amabutho ayo. Ukuba khona kwamehlo eSilo - okungamakhosi alezi zizwe esezibaliwe - kulo mcimbi, kudwebe isithombe esihle ezihambeni ebeziphuma eMalawi naseZambia.

Yethula inkulumo yayo iNkosi Gumbi, igxile emlandweni wokubumbeka kwesizwe sakubo.

"Ngaphambi kokuba ngikhulume okuningi, ngizoqala ngokucela ukuba ngikhuleke kini nonke sizwe sobabamkhulu ukuba ningakubheki ukuthi sisazama ukubuyisa kahle izwe, kodwa nigxile emasikweni nezinkambiso zenu. Isizwe esingawagcini amasiko aso asiyilutho.

"Abafowethu baseMalawi nabaseZambia bafika lapha nje, bekuqale bona bangimema (eMalawi) ngenyanga edlule kunomcimbi ogujwa yizizwe zabeNguni, lapho sicobelelane ngolwazi oluningi. Abantu bakwaJere abaseMalawi bangabalapha kithi, inkaba yabo iseHluhluwe. Bangena kuleliya lizwe behamba noZwangendaba thina sasala noSomkhanda, okungamadodana kaSguda Jele.

"Ngokuhamba kwesikhathi, iLembe (uShaka Zulu) liphume umkhankaso wokudla izizwe, babaleka baze bayovalwa wumfula iMbuluzi Emnyama. Kulapho uSomkhanda eqoke ukubuya eNingizimu Afrika esezibiza ngokuthi ungowakwaGumbi. Empeleni abakwaJele ngabakwethu. Kusukela namuhla, iyaphela indaba yokuthi kube nabantu ababizwa ngamakwerekwere ngoba lokho kuyobe kusho ukuthi umuntu uzibiza yena ngaleli gama.

"Empeleni sisemkhankasweni wokuhlanganisa izinto eziningi kulesi sizwe sakwethu, namanje sisesemuva kakhulu ngokwentuthuko ngenxa yokuthi selokhu kufike abelungu eminyakeni ye-1800 sabiyelwa satshelwa ukuthi singaphakathi kweziqiwu namapulazi.

INkosi yakithi uNtini yayigadiswa izingulube ngabelungu," kusho iNkosi Gumbi.

INkosi Fodo Dlamini yaseMkhomazi ethe: "Kungivusela usinga ukuthi ngizobuka izingane zalapha zodwa, ngonyaka ozayo ngiza nezami. Ngifuna ukuzoganisa lapha, izinsizwa zibone kahle ukuze kuzoqiniswa ubuhlobo nobudlelwano esinabo singamakhosi aseNdlunkulu kaZulu. Empeleni kuyintokozo kithina ukuthi sizogubha nozakwethu kungonakele lutho," kusho iNkosi Dlamini.

UDkt Soko uthe kuyamthokozisa ukuthi namuhla usezimpandeni zakhe, uzokhothwa ngamadlozi akubo. Izimbali zesizwe sakwaGumbi bezikhona. 

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.