Inyuvesi ifakele umfundi u-R14m ngephutha

2017-08-30 11:02

Johannesburg - IWalter Sisulu University isikuqinisekisile ukuthi ifake ngephutha imali engu-R14 million kwi-akhawunti yomfundi – okuyimali ebiphuma kwi-National Student Financial Aid Scheme (NSFAS).

Lolu daba luvele ngemuva kokufakwa kwe-receipt yomfundi ezinkundleni zokuxhumana, yabe isisabalala kanjalo ngokushesha.

Inyuvesi ithi imali yafakelwa umfundi ngephutha ezinyangeni ezinhlanu ezedlelule kanti manje isiqalise uphenyo ukuthola ukuthi kungani engashongo lutho sonke lesi sikhathi.

Umfundi yena kodwa uthi walubika lolu daba.

OLUNYE UDABA: Ubuyela enkantolo osolwa ngokubulala intombi yakhe

Kuthiwa kusabalale nezithombe eziveza indlela abaxhaphaze ngayo le mali benza amaphathi bethenga nezimpahla zikanokusho, okubalwa kuzona nomakhalekhukhwini.

Kukholakala ukuthi umfundi ubesesebenzise imali engango-R400,000.

Okhulumela inyuvesi uYonela Tukwayo uthi imali yafakwa ngephutha kwi-akhawunti yomfundi, ifakwa yinkampani esebenza ngezimali zakwaNsfas ezifakelwa abafundi.

Uthe basabheka imithetho yakwaNSFAS ukuthola ukuthi kumele imali enikezwa abafundi isetshenziswe kanjani, ukuze umfundi kuzophoqeleka ukuba uyayikhokha, ngisho ngabe kuthatha iminyaka engu-20 ukuba ayikhokhe.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.