Iphoyisa lisebenzise isibhamu somsebenzi ukubulala intombi nomama wayo

2018-03-02 12:31

Cape Town - Iphoyisa lisebenzise isibhamu somsebenzi ukubulala intombi nomama wayo ngaphambi kokuba lizibulale nalo eMitchells Plain ngoLwesine.

Kuthiwa leli phoyisa lithathelwe isibhamu salo somsebenzi ngemuva kwezinsolo zodlame lwasekhaya ngobusuku obandulela isigameko sokubulala.

Lokhu kuqinisekiswe ngabe-Independent Police Investigative Directorate, okuyibona abebephenya lezi zinsolo.

Okhulumela i-IPID uMoses Dlamini uthe uphiko lwabo luphenya ukuthi yisiphi isibhamu esisetshenziswe kulezi zigameko zokubulala.

UGranville Brooks, 41, ubulale intombi yakhe uCharmaine Goliath, 27, kanye nomama wayo uSusan, 54, ngaphambi kokuphendula isibhamu azibulale yena emzini wakubo kwentombi eBegonia Street, Lenteguer.

OLUNYE UDABA:Iphoyisa libulale abantu ababili, maqede lazibulala nalo

UBrooks oyindoda eshadile kuthiwa isidumbu sakhe sitholakale ekamelweni sinenxeba lokudutshulwa ekhanda. Isidumbu sikaSusan naso besisekamelweni sinenxeba lokudutshulwa ekhanda.

UCharmaine yena utholakale egumbini lokuphumula enenxeba lokudutshulwa esifubeni.

Kuthiwa uBrooks ubuye wadubula omunye wesimame oyisiqashi kulo muzi kanye nesihlobo ebesizama ukungena endlini.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.