IPirates isihlukane ngezindlela nomdlali wayo

2017-08-29 16:02

Cape Town – Izinkunzi zaseSoweto, i-Orlando Pirates, sezihlukane ngezindlela nomdlali wazo odlala ohlangothini lwesobunxele emuva, uPatrick Phungwayo, ngemuva kokufinyelela esivumelwaneni kwezihlangothi zombili ngoMsombuluko.

Lo mdlali oneminyaka engu-29 ubudala, nowake wadlalela iBafana Bafana, uchithe iminyaka emihlanu naMabhakabhaka ngemuva kokuwajoyina esuka kwiBidvest Wits ngaphambi kwesizini ka-2012/13.

OLUNYE UDABA: Unozinti wele-PSL osefomini akaneme ngokungabizwa kwiBafana

“Sekufinyelelwe esivumelwaneni sokuthi izinhlangothi zombili zinqamule inkontileka kulandela umhlangano phakathi kwezinhlangothi zombili izolo [ngoMsombuluko].

“Ikilabhu ingathanda ukubonga uMnumzane Phungwayo ngomsebenzi wakhe bese imfisela inhlanhla enkulu kulokho azokwenza kusasa,” iPirates imemezele kanjalo kwi-website yayo.

UPhungwayo akazange adlale kumaSea Robbers emdlalweni womqhudelwano kule sizini. Bekungakacaci ukuthi uzodlala kuphi ngokulandelayo.

Khonamanjalo, umdlali osanda kufika, uMusa Nyatama, uthi abadlali beBucs baqhuba kahle ngaphansi komqeqeshi uMilutin Sredojevic kanye nesekela lakhe, uRhulani Mokwena.  

IBucs iyiqale kahle isizini ngaphansi kwalaba baqeqeshi abasha njengoba isiqoqe amaphuzu amane ngaphandle kokungenelwa ngisho nayigoli elilodwa. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.