IPSL igxeke udlame lwabalandeli kushaywa iPirates

2017-02-13 10:01

Cape Town - IPremier Soccer League isikhiphe isitatimende igxeka ‘isenzo sobudlova’ esenzeke enkundleni yezemidlalo iLoftus Versfeld, ngesikhathi kubhaxatshulwa i-Orlando Pirates ngo-6-0 yi-Orlando Pirates ngoMgqibelo.

Abalandeli baMabhakabhaka bathukuthele bagana unwabu bangena ngoshova enkundleni ngemuva kokungena kwegoli lesithupha.

Umdlalo ube usumiswa ngomzuzu ka-82 ukuze kulawulwe isimo, ngaphambi kokuba iziphathimandla zinqume ukuba uqhubeke ngemuva kwemizuzu engu-20.

OLUNYE UDABA: Kucutshungulwa ivideo yesigameko esenzeke eLoftus Versfeld Stadium

Ngokwe-website yePSL, lo soseshini uxolisile kubalandeli kanye nasezinhlakeni ezithintekayo futhi ubheka isimo.

“IPremier Soccer League isigxeka kakhulu isenzo sobudlova kwabanye babalandeli emdlalweni weMamelodi Sundowns ibhekene ne-Orlando Pirates we-Absa Premiership eLoftus Versfeld Stadium ngoMgqibelo ntambama.

“Iligi ixolisa kubo bonke abalandeli kanye nezinhlaka ezithintekayo – labo abebesenkundleni kanye nalabo abebebukela kumabonakude – abaphazanyiswe yilokhu okwenzekile.

“Ukuziphatha okunje ezinkundleni zethu ukukhangiswa okubi kwebhola lethu.

“IPremier Soccer League ilinde imibiko ezinhlakeni eziningi ezithintekayo ngokuthi kwenzakaleni ngoMgqibelo ntambama,” kubeka iPSL esitatimendeni. 

Buka i-video ekhombisa abalandeli bedlubulundela enkundleni lapha:

 

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.