Isesitokisini indoda 'ebulale' iphoyisa kubangwa ubhiya eMlazi

2018-04-19 11:05

Durban - Kugwazwe kwabulawa uValentine Gama ongumphenyi wamacala esiteshini saseMlazi kubangwa ubhiya esigcemeni sakwa-U ngoLwesihlanu olwedlule.

Kusolwa ukuthi uGama ugwazwe ngumakhelwane wakhe.

Ngokombiko wamaphoyisa aseMlazi, sekuboshwe owesilisa osolwa ngokubulala uGama, kubangwa i-dumpy likabhiya abelishiye emnyango, elithathwe ngumsolwa kwaba nengxabano, maqede wagwaza iphoyisa esifubeni, elishonele endleleni ebheke esibhedlela.

Umsolwa igama lakhe eligodliwe kulindeleke avele enkantolo maduzane kanti njenmgamanje usagqunywe esitokisini eWestville.

OLUNYE UDABA:Indoda igwaze umzala wayo kubangwa imali yokugibela

UGama kuthiwa ubebuya kozijabulela njengoba ebevphuma emcimbini wokuvaleliswa kukazakwabo osethathe umhlalaphansi.

Isigameko senzeke ngezithuba zabo-20h40.

“Kusolwa ukuthi uSergeant Gama waqonda umsolwa wamubuza ukuthi uwuphuzelani ubhiya wakhe. Umsolwa uzame ukwephucwa uGama isibhamu somsebenzi, kodwa umufi wadubula emoyeni,” kusho umthombo.


Lo mthombo phinde wathi intombi kaGama, imdonsele endlini yathi akangabe esaya emnyango imuxwayisa njengoba ebesephuzile, kodwa wangayilalela.

UGama ube esebuyela ngaphandle wazithela phezu komsolwa owayemlindele ehlome ngommese wamgwaza ngawo ephindelela.

UGama waphuthunyiswa esibhedlela eSiphingo Medical Towers, kodwa ngeshwa kwamenela endleleni.

Ngezithuba zabo-22:30 umsolwa waboshwa, kwashaqwa nesikhali abulale ngaso uGama.

Okhulumela amaphoyisa aseMlazi uCaptain Carmeni Rhynes uqinisekise isigameko. Bekungakazeki ukuthi umzolwa uzovela nini enkantolo.

 - EyethuNews

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.