Ishonile intombazane, 13, edutshulwe wumfowabo, 9, kubangwa i-video game

2018-03-20 12:29

Mississippi - Ishonile intombazane, 13, yaseMississippi ngemuva kokudutshulwa wumfowabo oneminyaka engu-9 ubudala kubangwa i-video game, kusho amaphoyisa.

Isigameko senzeke ngezithuba zabo-12:30 ngoMgqibelo ekhaya lalezi zingane enyakatho-mpumalanga neMississippi, kusho owamaphoyisa aseMonroe County, uCecil Cantrell.

Kubikwa ukuthi lo mfanyana udinwe wudadewabo obemncisha into yokudlala i-video game ngesikhathi eyicela.

OLUNYE UDABA:Umfana, 10, udubule udadewabo, 6, ethi uyadlala

Kuthiwa lo mfana ukwazile ukuthatha isibhamu eshalofini khona ekamelweni abebehlezi kulo, wadubula udadewabo.

Le ntombazane iphuthunyiswe esibhedlela e-Amory, eMonroe County, yabe isedluliselwa kwesinye isibhedlela sezingane iLe Bonheur ngendiza enophephela emhlane.

UCantrell akazange awudalule umndeni kodwa uthe amaphoyisa ayaphenya ukuze ezothola ukuthi ngabe lesi sigameko asenzekanga ngenxa yobudedengu babazali na.


 - The Washington Post

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.