Isigwebo sentambo kowabulala owesifazane wafaka isidumbu sakhe epotimendeni

2018-03-27 12:32

Lubbock - Abameli besiboshwa esilindele ukubulawa, esidume ngelika"suitcase killer", sebefake isicelo eNkantolo eNkulu yaseMelika ngemizamo yokumisa ukubulawa kwaso okuhlelelwe namhlanje.

Le ndoda yalahlwa yicala lokubulala owesifazane waseLubbock isidumbu sakhe esatholakala sifakwe epotimendeni sase silahlwa lapho kuchithwa khona udoti.

URosendo Rodriguez III, waseSan Antonio, wathola ukugxekwa ngalesi sigameko sokubulala esenzeka ngo-2005.

Amaphepha afakwa enkantolo atshengisa ukuthi umufi uSummer Baldwin, 29, wayengumqwayizi.

OLUNYE UDABA: Ugwetshiwe owabulala unina wentombi wamfaka epotimendeni

Wabulawa ngemuva kokuthi yena noRodriguez bazibandakanya ocansini bevumelene eLubbock lapho ummangalelwa ayeyoqeqeshwa khona, nokho akucaci ukuthi wayeyoqeqeshelwani.

Isisebenzi salapho okuchithwa khona udoti eLubbock yiso esathola isidumbu sikaBaldwin sifakwe epotimendeni.

URodriguez, okulindeleke ukuba abulawe ngoLwesibili, uyamaniswa namanye amacala okungenani ayisihlanu okunukubeza ngokocansi futhi wazivumela ngokwakhe ukuthi wabulala intombazane, 16, isidumbu sayo esatholakala sifakwe epotimendeni.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.