Isililo kushona udokotela nonesi eThekwini

2017-02-06 18:01

Durban – UMnyango wezeMpilo KwaZulu-Natal uzwakalise ukudumala ngokushona kukadokotela ogogode eCuba kanye nonesi obesafunda, ezigamekweni ezimbili ezehlukene ngempelasonto.

Okhulumela uMnyango u-Agiza Hlongwane uthe lo nesi obesafundela umsebenzi uzibulale ngokuthi azisacaze phansi esuka esitezi sika-16 e-Addington Hospital ngeSonto ntambama.

Ube eseshonela khona lapho.

Kwesinye isigameko, udokotela owaqeqeshelwa lo msebenzi eCuba ushone ngokukhulu ukuzuma kulandela ukuzikhipha nabangani bakhe.

UHlongwane uthe udokotela, obesebenzela ePrince Mshiyeni Memorial Hospital, ubezikhiphile nabangani bakhe kuyiwe eMlazi wathi uma esebuya wangazizwa kahle.

OLUNYE UDABA: Asibathumelanga eCuba ukuba bayothandaza - Dhlomo

Abangani bakhe babe sebemphuthumisa esibhedlela, okuyilapho kufike kwaqinisekiswa khona ukuthi akasekho emhlabeni, kuqhuba uHlongwane.

UNgqongqoshe woMnyango uSibongiseni Dhlomo uthe badumele kakhulu ngokushona kwalezi zisebenzi zikahulumeni wathi kubuyisela emuva imizamo yokuhlinzeka abantu ngosizo lwezempilo ngokuthi kwandiswe abasebenzi.

"Kulokhu nje silahlekelwe kakhulu ngoba lo dokotela ubegogode eCuba kanti besiludinga kakhulu ulwazi abuye nalo. Kubuhlungu nokulahlekelwa unesi njengoba umndeni wakhe, umphakathi noMnyango bebesabheke lukhulu kuye."


 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.