ISilo namanje asineme ngegama lomsakazo Ukhozi FM

2017-09-11 13:59

Durban - ISilo samaBandla iNkosi uGoodwill Zwelithini ngoMgqibelo eMkhosini woMhlanga sigxeke umsakazo uKhozi FM ngokungaziqhenyi ngokuba owesiZulu.

UNgangezwe lakhe ukhale ngokuthi isinqumo sakwaSABC sokushintsha igama lomsakazo - iRadio Zulu – kwakuqondwe ngaso ukuchitha umlando onothile womsakazo.

“Kwanguku-1964 ngesikhathi amaZulu efakwa emsakazweni. Umsakazo wanikwa igama lethu, kodwa ngokuhamba kwesikhathi abantu abathile bahlangana bawetha elinye igama esingalazi,” kusho uNgangezwe lakhe.

ISilo sithe Ukhozi FM lwenzela phansi abantu ngokushintsha igama.

“Bathatha isinqumo sokushintsha igama lomsakazo ngaphandle kokuxhumana nami njengeNkosi yamaZulu, umnikazi wolumi lwesiZulu,” kusho uBhejane phuma esiqiwini.

OLUNYE UDABA: Umndeni nomyeni embangweni embangweni wesidumbu sowayengumsakazi

Uthe namanje usalindele ukuba achazelwe ukuthi kwakonakele kuphi ngegama elithi iRadio Zulu.

“Namanje ngisalinde incazelo yokuthi kwakonakelephi ngegama lomsakazo elidala nokuthi kungani wethiwa ngegama lenyoni,” kusho iSilo.

Ngesikhathi iphephandaba lixhumana nokhulumela iSABC ngalolu daba uKaizer Kganyago, uthe: “Ngeke ngikwazi ukuphawula ngalolu daba ngoba ukushintshwa kwamagama kwakuwudaba lwesizwe.

“Neminye imisakazo yakwaSABC yashintshwa amagama, akulona uKhozi FM kuphela futhi kunohlelo olwalandelwa.

“INkosi kwakumele ifake isimangalo kithina uma yayingeneme ngohlelo olwalandelwa.”

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.