ISundowns ayeneme ngokuhlelwa kwemidlalo okuvuna iPirates

2018-03-23 18:00

Johannesburg - IMamelodi Sundowns neCape Town City bazobhalela iPremier Soccer League ngenhloso yokuyicela ukuba ibuyekeze ukuhlelwa kwemidlalo yala maqembu womabili koweNedbank Cup ngomhlaka-1 Ephreli.

Womabili la makilabhu anxuse ukuba le midlalo yama-quarterfinal ezobanjelwa eCape Town Stadium idlalwe ngoMgqibelo, mhlaka-31 Mashi, kepha lesi sicelo sachithwa yi-PSL, kubika iSowetan.

ISundowns‚ eshiya i-Orlando Pirates ngephuzu elilodwa emjahweni wesicoco seligi, icele ukuba idlale ngoMgqibelo ukuze izothola izinsuku zokuphumula njengoba ngemuva kwalo mdlalo izogadulisana neChippa United eLoftus Versfeld ngomhlaka-4 Ephreli.

OLUNYE UDABA: I-PSL isicele uBenni ukuba achaze ngokuphawula akwenza ngonompempe

IPirates izobe ingadlali kwiNedbank Cup, njengoba isiphumile kulo mqhudelwano, ngaphambi kokuba idlale neBloemfontein Celtic koweligi ngomhlaka-4 Ephreli. Lokhu kusho ukuthi lo mdlalo izowudlala ngemuva kwekhefu leFifa lamasonto amabili.

ISowetanLIVE ilunywe indlebe ngokuthi izikhulu zeDowns zizamile ukubonisana ne-PSL ngalo mdlalo ozovuna iPirates kuphela emjahweni weligi, kepha kwazinhlanga zimuka nomoya.

ICape Town City ithi noma ingasasithathanga eseligi kepha izimisele ngokuqeda ngegiya eliphezulu.

USihlalo weCity uJohn Comitis uthe "ujabhe kakhulu ngesinqumo se-PSL futhi akagculisekile ngokuhlelwa kwemidlalo".

Udaba oluphelele lapha.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.