ISuperSport United yenqabe imali yeDowns ngomgadli

2017-08-09 10:04

Johannesburg - Kubikwa ukuthi iSuperSport United inqabe imali ebekwe etafuleni yiMamelodi Sundowns efuna umgadli uJeremy Brockie.

ISundowns isiqalile ukuthenga abadlali ngenhloso yokuqinisa isikwati sayo ngaphambi kokuqala kwesizini njengoba isithenge no-Oupa Manyisa kwi-Orlando Pirates futhi nezingxoxo zokuthola uGeorge Lebese weKaizer Chiefs ziyaqhubeka, kubika iKikcOff.com.

Isikhulu esiphezulu seSuperSport uStan Matthews sikuqinisekisile ukuthi bachithe okusha nokugcono okubekwe etafuleni ngoBrockie.

“UJeremy usalelwe yiminyaka emithathu kwinkontileka yakhe neSuperSport futhi asizimisele ngokumdayisa,” kusho uMatthews.

OLUNYE UDABA: IStas ingase isayinise ababedlalela iChiefs

“Empeleni ungithumelele i-email namhlanje efuna inkontileka yesivumelwano eside neqembu, ngakho ngasohlangothini lwethu asinankinga noJeremy. Siyamthanda, ungumgadli wokuqala ukushaya amagoli angu-20 ngesizini amasizini amabili elandelana emlandweni weSuperSport.”

“ISundowns ikhombisa ukuthi imdinga kakhulu. Babeke etafuleni ‘imali enhle’ impela kodwa kithina imali ayiyona yonke into futhi sifuna ukusiza umqeqeshi [u-Eric Tinkler] simnikeze ithuba lokusebenza ngeqembu eliwinayo. Ngakho uJeremy akadayisi.”

NEXT ON NEWS24X

AB praises selfless skipper

2010-11-21 18:15

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.