Izakhamuzi ziyibulele ingwe ebisiyiqedile imfuyo

2017-10-15 10:03

Johannebsurg - Izakhamuzi ziyibulele ingwe ebisiyiqedile imfuyo endaweni esePeddie, e-Eastern Cape kusukela ngoJuni.

Izakhamuzi zidinwe zagana unwabu ngesikhathi zithola ukuthi ihlasele owesilisa oyisakhamuzi, kwaholela ekutheni ziphoqeleke ukuba zilibulale leli kati lasendel.

"Le ngwe ingigxumele ebusweni ngawela phansi ngomqolo, yangiklwebha. Ngenhlanhla yaphazanyiswa izinja zami ebengihamba nazo, yasuka kimi, yanyamalala," kusho uLindile Mbilane osindile.

OLUNYE UDABA:Ingwe ibulale owesifazane yalimaza kabi omunye

Leli kati belibulala izimbuzi ezine noma ezinhlanu ngesikhathi. Umphakathi uzama imizamo yokuba unxephezelwe ngemfuyo yawo. 

Abezemvelo abatholakalanga bephawula.

Kube yimpumelelo ukuzingelwa kwaleli kati.

"Obekwenziwa yile gwe wukusihlukumeza, idla yonke imfuyo yethu, izimbuzi, izinkomo, izimbongolo, konke nje. Sijabulile manje. Ngesikhathi sibona umzimba wayo sijabule kakhulu. Besifisa engathi ingavuka isitshele ukuthi ibisihlukumezelani. Sithokoze kakhulu, kusho isakhamuzi sendawo, uNoludwe Budaza.

Le ngwe ihlinziwe yaphekwa.

 - SABC

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.