IZIBONGO: UMntwana wakwaPhindangene

2017-08-28 19:29

Durban - NgeSonto bekuzalwa uMntwana wakwaPhindangene, iNkosi uMangosuthu Buthelezi, ozalwa yiNkosazane yeSilo uDinuzulu kaCetshwayo okungu Magogo.

INkosazane (eyaduma ngelikaPrincess Magogo), okuqanjwe ngaye enye yenkundla yezemidlalo eselokishini KwaMashu, wagana uMntwana uMathole wakwaButhelezi ozala uMntwana wakwaPhindangene.

UButhelezi ubehlanganisa iminyaka engu-89 esadla anhlamvana.

Nazi izibongo zoMntwana wakwaPhindangene:

IMbabazane ehaqa amadoda emasendeni

ISihlonono esikhalele amabhunu emadlebeni zekwasa oVoster bethintitha

Isalele ehlezeni dawusheni inkabi igwazi inkunzi yini le eyenzeka eThekwini Ndabezitha bahlikihla ngawe ezitheni oChief uMhlabunzima wakwaMaphumulo

USivulele ngenkatha isiqhotho oNgoye zaphela itshudeni asala amabholipheni

Itshe abaliqandule ngesando kwabakwaNgwane alaze laqhephuka kungaze kuyofa indoda endala uMathanzima

UNkobe zamaSwazi zimehlulile uChief uMzimba uTembe ukuzihlafuna uthe uthi uyazicaphuza zamshisa wayithwala ngeqoma waziletha kithi oNdini wathi asidle Shenge nanka amancoko ngiwathathe kwelakwaNgwane

Isibhamu esiqhume phekwentaba zeNgwavuma kwazamazama ezoBombo wabaleka uMbabane ezalwa kwaNyawo.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.