Izindaba ezimnandi kubathandi beChiefs

2017-02-12 17:02

Durban – Izindaba ezimnandi kubathandi beKaizer Chsiefs ngoWillard Katsande, oyinjini yale kilabhu obedlala umacashelana nezikhulu ukwelula inkontileka naMakhosi, okuvela ukuthi usevumelane ngakho konke nawo osekusele nje manje ukuthi asayine.

UBobby Motaung oyiMemenja Jikelele yeChiefs, phambilini uveze ukuthi sekufika lapho ekhathala khona ngodaba lwenkontileka kaKatsande odabuka eZimbabwe.

Ubemsola ngokudlala umacashelana ngodaba lwenkontileka yakhe ephelayo uma kusongwa isizini.

Uveze ukuthi usezame kaningi ukuhlangana nalo mdlali kepha abeke izaba kugcine kungahlanganwanga.

Ubesecasukile uMotaung kangangoba ubeselibeke ngesihloko elokuthi kuzofanele acacise ukuthi umi kuphi ukuze baqale bathungathe umdlali ozovala isikhala sakhe.

OLUNYE UDABA: Ngiyinjini yeqembu - Katsande

Leli phephandaba lithole ukuthi selugobile uphondo kuKatsande nabaphathi bakhe njengoba ngeledlule kuhlanganiwe lo mdlali wavuma ukwelula inkontileka.

Kuthiwa uKatsande uphume ehleka syedwa emhlanganweni ngeholo nemali econsisa amathe azoyinikwa yile kilabhu.

“Engingakusho nje ukuthi uKatsande uzoqhubeka nokudlala kuChiefs futhi ujabule ngazokunikwa yiqembu. Kodwa-ke ngeke ubethembe abadlali bebhola bangomalala bephenduka.

“Ubehudula izinyawo uKatsande ngoba enethemba lokuthi kukhona amaqembu azomthenga ase-Europe kwazise ubedlala ku-Afcon,” kusho umthombo.

UMotaung uvumile ukuthi izingxoxo phakathi kweChiefs nalo mdlali ziqalile kodwa wangafuna ukwenaba kakhulu.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.