IZITHOMBE: Izinkulungwane zisale dengwane kulandela isiteleka samabhasi

2018-04-18 14:04

Izinkulungwane zabagibeli bamabhasi zikuthole kunzima ukuya ezindaweni ezehlukene kulandela isiteleka samabhasi sikazwelonke esiqale ngo-05:30 ngoLwesithathu baphoqeleka ukuba babambe olayini abade belinde amatekisi.

Zibalelwa okungenani ku-50 izinkampani zamabhasi ezingenele isiteleka ezweni.

Iziteshi zeMyCiTi ezijwayele ukuphithizela ngezikhathi zasekuseni nantambama eCape Town Civic Centre bezikhala ibhungezi namhlanje kanjalo neseDurban Station, KwaZulu-Natal, njengoba bekungekho ngisho nebhasi lokubika.

Kube nemibiko eveze ukuthi bekungekho mabhasi abesebenza eNewcastle, KwaZulu-Natal. Bekunemigqa emide eMitchells Plain, eKapa naseSeshego, ePolokwane. EKhayelitsha, eKapa, abagibeli basale dengwane bengenazo izinto zokuhamba.

Phakathi kwalabo abathikamezekile ngenxa yalesi siteleka kubalwa abasebenzi nabafundi. 

Kube nemibiko ethi izitshudeni zase-University of Johannesburg, ezisebenzisa kakhulu amabhasi akwaMega Bus, kumele zithole ezinye izinto zokuhamba.

Izingane zesikole zibonakale zibambe olayini abade zilinde amatekisi eNelson Mandela Bay.

Abasebenzi bafuna ukunyuselwa amaholo ngo-12%, kanti umqashi ubeka etafuleni u-7%. Kube sekukhishwa isaziso sesiteleka ngemuva kokuthi izingxoxo neSouth African Road Passenger Bargaining Council (SARPBC) zifinyelela kwangqingetshe.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.