Izitshudeni zisabisa ngokuvala i-University of Pretoria

2017-01-25 14:30

Johannesburg - ISouth African Union of Students i-SAUS isabise ngokuvala i-University of Pretoria uma inqaba ukubhalisa izitshudeni ebezivele zifunda khona, ezaziyingxenye yombhikisho i-#FEESMUSTFALL ngonyaka ophelile.

USthembiso Ndlovu onguNobhala Jikelele we-SAUS, uthe baphatheke kabi ngoba i-UP ifuna izitshudeni zibhale izincwadi ezichaza kabanzi ngokuthi kungani kufanele ziphinde zamukelwe kule nyuvesi.

Uthe njengamanje ayikho imibhikisho e-UP kanti ababhikishi be-#FEESMUSTFALL basathule okwamanje njengoba bengazange baphumelele embhikishweni wabo.

OLUNYE UDABA: Abe-#FeesMustFall bayaziqhelelanisa nokushiswa kwenyuvesi

"Sizoyivala i-University of Pretoria uma bengazamukeli izitshudeni ukuthi ziqhubeka nemfundo yazo. Sizitshelile izitshudeni ukuthi zingazibhali lezo zincwadi ngoba akuqinisekisiwe ukuthi zizokwamukelwa," kusho UNdlovu.

Okhulumela inyuvesi uCandice Jooste uthe: "Inyuvesi ithumelele izincwadi izitshudeni ezibekwe amacala kulandela imibhikisho eyayinodlame ngonyaka odlule.

"Sicele ukuthi lezi zitshudeni zisinike izizathu zokuthi kungani izicelo zazo zibhekwe nokuthi yini ezizoyenza ukugwema izigameko ezifana nezangonyaka ophelile kulo nyaka," usho njalo ngesikhathi ebuzwa ngale ncwadi okufanele ibhalwe yilezi zitshudeni. 

 - Drum

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.