Izogwetshwa intombi 'eyaphoqa' isoka ukuba lizibulale

2017-08-04 14:01

eMelika - UMichelle Carter ulahlwe yicala lokubulala ngokungenhloso ngesikhathi kuqulwa icala lakhe elithathwa njengelingajwayelekile ngoba umufi wazibulala.

Umufi uConrad Roy, 18, oyisoka lalo wesimame watholakala eshonile ebulewe wushevu we-carbon monoxide ehleli evenini yakhe ngoJulayi 2014.

UCarter, owayeneminyaka engu-17 ngesikhathi sesigameko ozovela enkantolo yezingane eTaunton, lapho ezogwetshwa khona.

OLUNYE UDABA:Kusolwa udlame lwasekhaya ngokuphuma kwezidubmu ezimbili

Ngokwemibiko yabezindaba eMelika, izihlobo zikaRoy zifuna le ntokazi igwetshwe iminyaka engu-20.

Kuvele enkantolo ukuthi lezi zithandani zathumelana inqwaba yemilayezo lapho le ntombi incenga isoka ukuba liqhubeke nezinhlelo zalo zokuzibulala, kodwa afihlele abazali bakhe nokuthi aqambe amanga kumama wakhe.

Ezinye izazi zezomthetho ziyakungabaza ukuthi indima eyadlalwa yile ntombi kulesi simo yanele ukuba angagwetshwelwa leli cala.

Yize kunjalo, iJaji uLawrence Moniz uthe iyona le ntokazi eyayalela isoka ukuba libuyele emotweni futhi nokuthi ayizange iphuthume ixhumane nabosizo lokuqala ngemuva kwalesi sigameko yikona okubaluleke kakhulu okwenze yalahlwa yicala.
 
 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.