Kube nesiphithiphithi kuhoxiswa icala 'labadla izicubu' zomuntu eMtshezi

2017-10-13 18:00

Durban - Izakhamuzi zibhekane ngqo ngeziqu zamehlo namaphoyisa ngaphandle kwaseNkantolo yase-Escourt izolo ngemuva kokuba kuhoxiswe amacala abhekene nabantu abathathu ecaleni lokudla izicubu zomuntu.

Ngesikhathi ababhikishi abebengaphandle kwenkantolo eKwaZulu-Natal bezwa lezi zindaba, bavele bathukuthela bazama ukungena ngaphakathi enkantolo.

Kulimale abantu ababili ngesikhathi kuqhubeka lesi siphithiphithi, kwaboshwa oyedwa. Izakhamuzi ziphinde zachapha amaphoyisa  ngenhlamba, ziwabiza ngezinja. 

OLUNYE UDABA:Bazogqunywa esitokisini ababhekene 'nelokudla izicubu zomuntu'

Lezi zakhamuzi ziphinde zijikijele amaphoyisa ngodoti. Amaphoyisa aziphindiselela ngezinhlamvu zenjoloba nangosisi olukhalisa unyembezi, izakhamuzi zagcina ngokubaleka.

Inkantolo ihoxise icala lokwakha itulo lokubulala nokubulala kumsolwa wesithathu, 32, umsolwa wesithupha, 28, nomsolwa wesikhombisa, 31, njengoba bebungekho ubufakazi obanele obubayamanisa naleli cala.

IMantshi u-Arti Sookraj ithe yize kunjalo, uma kuvela ubufakazi obusha laba bobathathu bangase baphinde baboshwe.

Imantshi ibe isihlehlisa icala lomsolwa wokuqala, 32, owesibili, 31, owesine, 31, nowesihlanu, 30.

Icala lihlehlselwe umhlaka-27 kwephezulu ukuze bezofaka isicelo sebheyili.

Okhulumela amaphoyisa aKwaZulu-Natal, uColonel Thembeka Mbhele uthe: "Izakhamuzi zijikijele amaphoyisa ngezinto okubalwa kuzo  namatshe. Amaphoyisa asebenzise usisi olukhalisa unyembezi ukuzihlakaza. Kulimale izakhamuzi ezimbili kulesi sigameko."

UMbhele uthe akuboshwanga muntu futhi alikho icala elivuliwe.



NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.