Johannesburg – Kuboshwe abantu abayisikhombisa abaphakathi kweminyaka kwengu-23 kuya kwengu-45 ubudala ngezinsolo zokuthi bayathinteka embhikishweni onobhame okwacekelwa phansi kuwona umuzi wekhansela kwashisa nemoto, kusho amaphoyisa aKwaZulu-Natal ngoLwesibili.
Okhulumela iSouth African Police Service (SAPS) uLieutenant Colonel Thulani Zwane uthi abasolwa bazovela eNkantolo yeMantshi yaseMhlali ngoLwesibili.
Abasolwa baboshwe ngemuva kophenyo lwabaseshi ngodlame lomphakathi nangokucekelwa phansi kwempahla okwenzeka eShakas head eMhlali.
Funda nalolu daba: Ababhikishi bavale umgwaqo u-N2 ekuseni
UZwane uthe isehlakalo senzekala ngoFebhuwari kulo nyaka.
"Abaseshi kubathathe izinyanga ezilinganiselwa kwezinhlanu ukuba baqoqe ubufakazi basebekwazi ukuthungatha abasolwa endaweni,” usho kanje.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).
