Kuboshwe abafake isikhangiso bedayisa isigadla esebiwe kuGumtree

2017-10-06 09:31

Vereeniging – Kuboshwe abasolwa ababili ngecala lokuduna imoto nelokubulala ngemuva kokuba befake isikhangiso sokudayisa isigadla seloli kuGumtree, kusho amaphoyisa ngoLwesine.

Abasolwa ababili, abaneminyaka engu-30 nengu-36 ubudala, baboshwe ngoLwesithathu ngemuva kokuba amaphoyisa ehlele ukuhlangana nabasolwa ebebefake isikhangiso.

"Umnikazi wesigadla esadunwa kanye neloli ubezibukela nje kuGumtree ngesikhathi ebona isigadla esifana nse nesakhe. Umnikazi ube esebikela amaphoyisa ahlele ukuhlangana nalabo ebebesidayisa eVereeniging," kusho uCaptain Mavela Masondo.

Kuthiwa iloli ladunwa ngoMeyi nonyaka kanti umnikazi walo watholakala ebulewe e-Ikageng, eNorth West, ngakusasa, kusho uMasondo.

OLUNYE UDABA: Kugwetshwe iphoyisa ngokwamukela intshontsholika-R100

"Amaphoyisa asathungatha iloli,” esho.

UMasondo uthe uphenyo lwabo luveza ukuthi isigadla, esibiza u-R660 000, sathathwa eNorth West.

Abasolwa ngesikhathi beboshwa kushaqwe nemoto yohlobo lweNissan Navara okukholakala ukuthi yasetshenziswa ukwenza ubugebengu.

Abasolwa bazovela enkantolo maduzane.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.