Johannesburg – Iphethe ngokuchitheka kwegazi ngempelasonto impi yamaqembu amabili kamaskandi okuthiwa sekunesikhathi ebhekene ngeziqu zamehlo.
Kulesi sigameko kugwazwe amalungu amathathu eqembu aBafana BakaMolo – oMxolisi Hlabeni, Lebohang Dlamini noLehlohonolo Mofokeng, kubika iDaily Sun.
Laba bashone ngemuva kokuqubuka kwempi kwifestiveli ebiseKurhuleni, kanti laba abasindile bebengekho emcimbini.
Leli qembu lasungulwa yinkakha engasekho uBhekumuzi Luthuli.
OLUNYE UDABA: Akasekho emhlabeni umculi kaMaskandi wodumo
Umholi waleli qembu uXolani Mkhize uthi bekubangwa ingoma: “Abashonile bagwazwe bezama ukubaleka. Sengisabela ukuthi neyami impilo isengcupheni ngoba kuyacaca ukuthi ngisinde ngoba bengingekho kulo mcimbi.”
Okhulumela amaphoyisa uColonel Lungelo Dlamini akatholakalanga ukuba aphawule.
