Nairobi – Lowo owayengungqongqoshe aphinde akhulumele
uhulumeni waseBurundi, uHafsa Mossi, udutshulwe washona enhlokodolobha iBujumbura,
kusho amaphoyisa ngoLwesithathu.
"UMossi usocongwe eGihosha yizigebengu ezimbili
ebezihamba ngemoto,” kusho okhulumela amaphoyisa uPierre Nkurikiye ebhala
enkundleni yezokuxhumana uTwitter.
OLUNYE UDABA: Kubulawe isishoshovu eBangladesh
UMossi wayenguNgqongqoshe wezoLwazi
eBurundi phakathi kuka-2005 no-2007, kanti ushona nje ubeyilungu le-East
African Legislative Assembly, okuyisiShayayamthetho sesifunda.
UMossi ubeyilungu leqembu elibusayo i-CNDD-FDD kaMengameli Pierre
Nkurunziza.
