Kudutshulwe abantu abathathu ehostela laseGlebelands

2017-10-23 14:01

eThekwini - Kudutshulwe kwalinyazwa abantu abathathu ehostela laseGlebelands, eningizimu yeTheku, kusho amaphoyisa ngoMsombuluko, kubika iThe Citizen.

Lokhu kwenzeke ngoLwesihlanu ebusuku ngo-22:00, ngemuva kwamahora ambalwa kukhishwe isimemezelo sokuthi ikhomishana kaMoerana inikezwe igunya lokuqhubeka nokuphenya amacala okubulala ahambisana nezepolitiki kulesi sifundazwe.

Okhulumela amaphoyisa uLieutenant-Colonel Thulani Zwane uthe: "Abadutshuliwe balimele kabi futhi baphuthunyiswe esibhedlela lapho bethola khona ukwelashwa. Kuvulwe icala lokuzama ukubulala emaphoyiseni aseMlazi."

OLUNYE UDABA: Akukaboshwa muntu ngababili ababulawe eGlebelands

Leli hostela lithathwa njengehostela elinodlame kakhulu kuleli kanti igama lalo lilokhu livele njalo njengoba kuqhubeka uphenyo lwale khomishana.

Ngesikhathi ethula ubufakazi bakhe kule khomishana, uSihlalo we-ANC kulesi sifundazwe uSihle Zikalala ngoLwesihlanu uthe lokhu okwenzeka kuleli hostela kuyisilonda esibi kakhulu kuKhongolose.

Le khomishana bekumele igoqe ngesonto eledlule, kodwa yacela yaphinde yagunyazwa ukuba iqhubeke nomsebenzi kuze kube wuMashi 2018.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.