Kudutshulwe isekela likathishanhloko emagcekeni esikole

2017-09-26 19:30

Johannesburg – Isekela likathishanhloko lingqoklozwe ngenhlamvu lashona lisehhovisi lalo ngaphakathi emagcekeni esikole eDuduza, eNigel, eKurhuleni, kusho uNgqongqoshe wezeMfundo eGauteng, uPanyaza Lesufi, enkundleni yezokuxhumana uTwitter ngoLwesibili.

Okwamanje akucaci kahle ukuthi yini eholele ekwenzekeni kwalesi sigameko.

Okhulumela uMnyango wezeMfundo esifundazweni uSteve Mabona uthe: "Ngokukhulu ukushaqeka nokudangala sithanda ukunazisa ngokudlula emhlabeni kukalowo obeyisekela likathishanhloko waseDalinceba Primary School, eDuduza, odusthulwe esehhovisi lakhe esikoleni ngabo-11:00. ULesufi usendleleni uya kulesi sikole."

Ngokubika kweTimesLive, okhulumela amaphoyisa aseGauteng uCaptain Kay Makhubela usiqinisekisile lesi sigameko, wathi amadoda amathathu abehamba ngeMazda 323 ebomvu angene kulesi sikole ethi azolungisa ugesi ehhovisi likamufi.

Kuthe uma efika kuleli hhovisi adubula isekela likathishanhloko, 55, lashona.

La madoda abe esebaleka ayongena kule moto afike ngayo. UMakhubela uthi kuvulwe icala lokubulala kanti amaphoyisa athungatha abasolwa abane.

Igama likalo thisha ngeke likhishwe kuze kube kwaziswa umndeni.

Umbiko we-Eyewitness News uthi kusolakala ukuthi kugasele izigebengu kulesi sikole zenza sengathi bezihlele ukuhlangana nalo thisha kanti zizomdubula.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.