Kudutshulwe kwabulawa iphoyisa lesifazane eThekwini

2017-10-20 12:29

Durban – Kudutshulwe kwabulawa iphoyisa lesifazane ngoLwesihlanu ekuseni, lathathelwa nesibhamu salo eBonela.

Owesifazane, oneminyaka eko-30 ubudala, ubegqoke umfaniswano ophelele wamaphoyisa ngesikhathi sesigameko.

Kusolwa ukuthi uhlaselwe ngabesilisa abane abamebele isibhamu sakhe somsebenzi. Abasolwa badubule isisulu sathola ukulimala ebusweni nasemqaleni.

Leli phoyisa elingumama wezingane ezimbili belisebenzela esiteshini samaphoyisa kuMaydon Wharf.

Abazibonele batshele amaphoyisa ukuthi babone abesilisa abane bemile ngasesitolo. Ngesikhathi owesifazane edlula eyogibela itekisi uhlaselwe ngabasolwa.

Kuthiwa oyedwa wabasolwa udubule iphoyisa nokuthe uma liwa phansi baphinde balidubula amanye amahlandla, kubonakala ukuthi bebeqonde ukulibulala.

OLUNYE UDABA: I-EFF ilunqobe ngamalengiso ukhetho enyuvesi

Ngemuva kwesigameko abasolwa babalekile kweyesehlakalo. 

Endaweni yesigameko kutholakale amagobolondo ezinhlamvu ayisikhombisa. Umakhalekhukhwini wakhe ubusasephakatheni nokwenza amaphoyisa acabange ukuthi abasolwa bebengaqondile ukumbamba inkunzi kodwa ukumbulala.

UGarrith Jamieson, okhulumela iRescue Care, uthe bafike endaweni yesehlakalo lo wesifazane eseshonile.

Amaphoyisa aseCato Manor aphenya ngecala lokubulala nelokuphanga kuhlonyiwe.

- Daily News

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.