Kudutshulwe kwabulawa umsolwa elokishini KwaMashu

2017-09-09 09:17

kwaMashu - Umsolwa oneminyaka engu-48 ubudala ubulewe, omunye walimala kabi ngesikhathi bedubulana namaphoyisa KwaMashu, enyakatho neTheku.

Lokhu kwenzeke ngoLwesine ebusuku ngesikhathi amaphoyisa abehlola isimo ehostela laKwaMashu ethola umbiko ngesigameko sokuphanga kuhlonyiwe esiteshini sesitimela.

Ngesikhathi amaphoyisa efika kule ndawo, athole umbiko mayelana nabasolwa.

OLUNYE UDABA:Kwaphazamiseka ukufunda kulwa othisha KwaMashu

Amaphoyisa alandele umkhondo wabasolwa aze afika esigcemeni sakwa-B lapho efike ahlangatshezwa yintululwane yezinhlamvu, abasolwa begadla.

Nawo aphendule ngayo inhlamvu nokuyilapho kudutshulwe khona kwabulawa umsolwa oyedwa kwalimala kabi omunye oneminyaka engu-23 ubudala.

Lo msolwa uphuthunyiswe esibhedlela kanti kulindeleke ukuba avele eNkantolo yeMantshi yaseNtuzuma uma esephumile esibhedlela.

Uzobekwa icala lokuzama ukubulala nokutholakala nesibhamu nezinhlamvu okungekho emthethweni. Lesi sibhamu esitholakele sizoya kohlolwa ukuze kutholakale ukuthi ngabe asikaze yini senze obunye ubugebengu kuleli.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.