Kugqekezwe imoto yomgadli woSuthu

2017-01-22 18:33

Durban – Kugqekezwe imoto kaSiyabonga “Bhele” Nomvethe ongumgadli wamaZulu FC kwantshontshwa amakhokho awasebenzisa ekubhakuziseni amagoli kule kilabhu edlala kuNational First Division.

Lesi sigameko esishiye uNomvethe edidekile kwazise ubehamba nezingane zakhe, senzeke ngoLwesibili ePhoyinti, eThekwini, kubika ILANGA langeSonto.

Uthi uphume ejimini wahamba nezingane zakhe ukuyozijabulisa kanti sebezohlangabezana nalo mshophi.

“Ngipake imoto eceleni kweloli okuthe nxa sengibuya ngabona isicabha sangakumshayeli singasavalekile kahle okwenze ngacacelwa ukuthi izigebengu sezizithathele.

OLUNYE UDABA: Kubiza ukusebenza ngokuzikhandla - Nomvethe

“Okudidayo ukuthi zithathe amakhokho, amateki okujima, umazisi nezincwadi zokushayela kuphela zayeka imali ebisobala eduze kwegiya. Ngenhlanhla kabayithathanga i-laptop,” kulandisa yena.

Uthi ukholelwa ukuthi lokhu kwenziwe osikhotheni abebezidakelwe yiwunga.

Kuzokhumbuleka ukuthi kwi-Orlando Pirates kwantshontshwa amakhokho kaJimmy “Gusheshe” Kauleza maqede akaza waphinda walibona ipali okwenza yamchitha ikilabhu.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.