Kulindeleke ukuba kuboshwe abanye kwelokudliwa 'kwezicubu zabantu'

2017-08-22 12:31

Durban - Amaphoyisa aKwaZulu-Natal aqinisekise ukuthi baningi abasazoboshwa ecaleni elihlobene nokudliwa kwezicubu zabantu endaweni yase-Escourt.

Kuboshwe amadoda amane kanti avelile enkantolo yendawo ngoMsombuluko.

Oyedwa wabasolwa uzivumele ngokwakhe ukudla izicubu zabantu.

OLUNYE UDABA:Bazogqunywa esitokisini ababhekene 'nelokudla izicubu zomuntu'

UThembeka Mbele, okhulumela amaphoyisa esifundazweni, unxuse labo abadukelwa amalungu emindeni yabo ukuba babikele amaphoyisa.

Khonamanjalo, amadoda amabili athweswe icala lokubulala, ngemuva kokuba eyodwa yawo yatholakala idayisa ikhanda lendoda maphakathi nedolobha iTheku, azobuyela enkantolo yendawo ngomhlaka-14 Septhemba.

La madoda avele kafushane enkantolo ngoMsombuluko.

USiyabonga Jojisam, 24, noLehlonono Swaartbooi, 32, baboshwa emasontweni amabili adlule.

UJojisa kusolwa ukuthi waboshwa ngesikhathi efuna isangoma ayezosidayisela ikhanda ukuze sizokwenza umuthi ngalo.

Umufi wahlonzwa ngelikaThembinkosi Nzimakwe, 34, wasemjondolo yaseMayville, entshonalanga yeTheku.


 - SABC

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.