Kulindeleke ukuba liqale ukuqulwa elowabulala owayeyintombi

2017-10-10 12:30

Johannesburg - Kulindeleke ukuba liqale ukuqulwa namuhla (ngoLwesibili) eNkantolo eNkulu yasePort Elizabeth icala lendoda edabuka eZimbabwe esolwa ngokubulala owayeyintombi.

Ngomhlaka-11 Septhemba, le ndoda yala yaphetha ukuphuma evenini lamaphoyisa eyayiligibele. Amaphoyisa asenkantolo athe  le ndoda, 30, yagoqa ihembe idiniwe yanqaba ukwehla evenini iyovela phambi kweJaji u-Irma Schoeman.

OLUNYE UDABA:Liyavela enkantolo iphoyisa 'elishaye' owayeyintombi nosana

Ngesikhathi isingenile esitokisini senkantolo, yaphinde yanqaba ukuyovela enkantolo, amaphoyisa ayinxusa ukuba iyongena ebhokisini.

Kuthiwa kwavele kwacaca ukuthi ayeneme neze ngabantu abahlezi enkantolo njengoba ibizwakala iphikisana nabasebenzi basenkantoo.

NgokoMbuso le ndoda isolwa ngokuya emzini wowayeyintombi ihlome ngensimbi nommese ngoNovemba wonyaka odlule.

UMbuso usola ukuthi le ndoda yakhahlela umnyango yangena endlini yowayeyintombi ngesikhathi elele. Kusolwa ukuthi yayishaya ngempama yayiphushela odongeni. Kusolwa nokuthi yajikela nesoka layo yalishaya ngensimbi.

Kubikwa ukuthi le ndoda yathatha lo wesifazane yahamba naye baya emijondolo eseMotherwell lapho eyayidlwengulela khona izikhawu ezimbili.

Le ndoda ibhekene namacala okubalwa kuwo elokubulala, ukugqekeza, ukushaya, ukuthumba nokudlwengula.


 - African News Agency

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.