Kuphenywa ngezokuphepha kulandela ukushona komlingisi eDrakensberg

2018-04-17 18:00

Johannesburg - Amaphoyisa aphenya ukungaqini kwenqubo yezokuphepha ngemuva kokushona komlingisi wakuleli oshelele wawa empophomeni, eDrakensberg, KwaZulu-Natal, ngoLwesine olwedlule.

Lo mlingisi, ogama lakhe ngu-Odwa Shweni, waseCenturion, kukholakala ukuthi ushone ngemuva kokushelela awe empophomeni wayokhalakathela emfuleni omncane onamatshe amakhulu eSterkspruit eduzane naseMonks Cowl, eDrakensberg, KwaZulu-Natal.

Isidumbu sikaShweni sitholwe ngoLwesihlanu ekuseni.

OLUNYE UDABA:ISITHOMBE: Selidaluliwe igama lomlingisi owashona kuqoshwa ifilimu e-KZN

Amaphoyisa aKwaZulu-Natal avule idokoko ukuze ezokwazi ukwenza uphenyo ngezinsolo zokungaqini kwezokuphepha ngesikhathi kuqoshwa ifilimu, lokhu kungokusho kweCenturion Rekord.

Omunye wozakwabo futhi osondelene nomndeni kaShweni, u-Ali Rodolo, uthe ukudlula emhlabeni kukaShweni kubashaqile.

"Umndeni ubhekene nesikhathi esinzima," kusho uRodolo.

"Ubesefana nomfowethu kimina. Ngimazi kusukela kudala esayibhungu."

URodolo uchaze uShweni njengomuntu obezithobile, ewumuntu ophilayo futhi eyindoda enobuhlakani.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.