Kusaboshwe abantu ababili ngodlame oluqubuke eMoses Mabhida

2018-04-22 11:57

Johannesburg - Kuboshwe abantu ababili ngodlame oluqubuke eMoses Mabhida Stadium ngoMgqibelo ebusuku ngemuva komdlalo weNedbank Cup obuphakathi kweKaizer Chiefs neFree State Stars.

Abantu ababili, oneminyaka engu-27 nomunye oneminyaka engu-33 ubudala, bazovela eNkantolo kaMantshi eThekwini ngoMsombuluko ngamacala okucekela phansi impahla kanye nelodlame emphakathini, kusho okhulumela amaphoyisa eKZN uCaptain Nqobile Gwala.

Uthe kuzoboshwa abanye abasolwa kungekudala.

NgoMgqibelo ebusuku, kuqubuke udlame abalandeli bengena enkudleni ngemuva kokuba iChiefs yehlulwe ngo-2-0 yiFree State Stars.

OLUNYE UDABA: Ukushaqeka owesifazane ezithela phezu kwenyoka egcekeni

Abalandeli bangene enkudleni, abanye bephula izihlalo, bashaya nonogada. Omunye wonogada besifazane ushaywe kabi waquleka kulesi sigameko.

Amaphoyisa awazange ayiqinisekise imibiko ethi ushonile unogada wesifazane.

Amaphoyisa asebenzise isisi esikhalisayo kanye nama-stun grenades ukuzama ukulawula isimo.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.