Kusathungathwa amabhubesi amahlanu abonakale eGoli

2017-09-11 12:31

Johannesburg - Amabhubesi amahlanu abonakale egcaluza endaweni engamakhilomitha angu-60 nentshonalanga nedolobha laseGoli.

Lokhu kuvezwe ngamaphoyisa kanye nabezemvelo ngoMgqibelo ngesikhathi bethula umkhankaso wokuwathungatha.

Kuthiwa lawa mabhubesi abonakale endaweni yaseFochville nokuyilapho kugcwele khona amapulazi ezinkomo, kanye nemijondolo ngoba kuseduze namamayini.

Amaphoyisa athe athola ucingo ngoLwesihlanu kusukela kwelinye lamapulazi akule ndawo kukhalwa ngokuhlaselwa kwemfuyo.

"Uphenyo lwabonisa ukuthi kunamabhubesi amahlanu kuleli pulazi abezitika ngenkomo.,"kusho isitatimende samaphoyisa.

Akukacaci kahle ukuthi lawa mabhubesi aqhamuka kuphi ngoba azikho izindawo ezigcina izilwane eduze kwaseFochville.

OLUNYE UDABA:Awakatholakali amabhubesi amane eqe esiqiwini ngeSonto

Akujwayelekile ukuthi kubonakale amabhubesi ehamba endaweni yasedolobheni.

Ziningi izigameko zokweqa kwamabhubesi eziqiwini ezenzeke kulo nyaka eNingizimu Afrika kanti lokhu kwenza izakhamuzi zingakhululeki, ikakhulukazi labo abanemfuyo.





NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.