Kushone ababili embhikishweni onodlame eTshwane

2017-09-14 07:00

Pretoria – Kubulawe amadoda amabili ngesikhathi umbhikisho wezidingo zomphakathi uphenduka onodlame emjondolo yaseMarry Me eduzane naseSoshanguve, eTshwane, izolo (ngoLwesibili) ebusuku.

Amaphoyisa aseSoshanguve abizelwe endaweni yesigameko ngezithuba zabo-20:30 ukuzoqapha isimo njengoba ababhikish bese bengasalawuleki, bevale imigwaqo ngamatshe nangamathayi avuthayo.

Lo mbhikisho oqale ngoLwesibili ekuseni kukholakala ukuthi umayelana nezindlu zomxhaso nogesi.

OLUNYE UDABA: Isishonile indoda edutshulwe kuqhubeka umbhikisho

Okhulumela amaphoyisa uConstable Zanele Mtsweni, uthe ngesikhathi befika, bafice amadoda amane elele phansi eduzane nojantshi phakathi kwaseMarry Me naseBlock VV (eSoshanguve).

UMtsweni uthe la madoda abelimele ebusweni nasemakhanda.

Enye yala madoda ihlonzwe njengeshonile khona endaweni yeisgameko, amathathu aphuthunyiswa esibhedlela eyolashwa ngokushehsa.

Indoda yesibili yona ishonele esibhedlela ngoLwesithathu ekuseni ngenxa yamanxeba ayo. "Imbangela yalokhu ayicaci."

UMtsweni uthe amaphoyisa asola ukuthi la madoda ahlaseliwe kungenzeka ukuthi abezama ukuyogibela isitimela kodwa avinjwa ababhikishi.

"Akukaboshwa muntu kanti kutshalwe amaphoyisa ukuqapha indawo aphinde aqhubeke nophenyo."


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.