Kushone abangu-17 ibhasi lishayisa isigxobo sikagesi

2018-03-31 09:18

Kushone okungenani abantu abangu-17 kwathi abanye abangu-36 balimala ngesikhathi ibhasi ebithwele abafuduki ishayisa isigxobo sikagesi empumalanga yeTurkey yabe isigqamuka amalangabi, kusho umbiko wabezindaba ngoLwesihlanu.

Leli bhasi, elishayise ngoLwesine ebusuku ku-Igdir-Kars Highway, belithwele abantu abangabokudabuka e-Iran, ePakistan nase-Afghanistan, kusho umbiko we-Anadolu news agency.

Izithombe ezitshengiswe ngabezindaba zibonisa intuthu ephuma ebhasini elishe langqongqa, abantu besakazeke umgwaqo wonke.

"Sithe uma sifika endaweni yesigameko sazithela phezu kwesimo esinyantisa igazi," kusho umphathi wase-Igdir u-Enver Unlu etshela izintatheli endaweni yesehlakalo.

OLUNYE UDABA: Kushone 14 engozini yebhasi netekisi

"Sidumele kakhulu ukuthi ukwanda kwezigameko zokushushumbiswa kwabantu okuqhubeka kulesi sifundazwe sethu, sekuphethe ngokuphuma kwemiphefumulo."

Izikhulu zezempilo zithi abanye abantu abalimele kule ngozi basesimweni esibucayi.

Leli bhasi ngokomthetho limumatha abantu abangu-14, kepha kulokhu belithwele abangaphezu kuka-50, okubalwa nezingane nabesifazane, kusho umbiko we-Anadou.

Ihhovisi lomshushisi e-Igdir seliqalise uphenyo mayelana nale ngozi njengoba izikhulu zizama ukuhlonza umshayeli webhasi.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.