Kushone abantu abangu-8 beshaywa ngumbani

2017-09-05 06:59

Bunia - Kushone okungenani abantu abayisishiyagalombili ngesikhathi umphezulu ushaya imayini yegolide eDemocratic Republic of Congo, kusho iziphathimandla ngoMsombuluko.

"Kuthinteke abantu abangu-30 kulesi sigameko, okubalwa nabayisikhombisa abafe ujuqu kwathi omunye washonela esibhedlela," kusho isikhulu sendawo uChristophe Ikando etshela i-AFP.

"Lo mbani uhlasele edolobheni iDungu esifundazweni iHaut-Uele, ngasemngceleni wezwe neSouth Sudan. Lokhu kwenzeka nje vele kunezimvula ezinkulu ezihlasele kuleya ndawo izisulu ebezivukuza kuyo igolide," esho.

OLUNYE UDABA: Umbani ubulale abantu abangu-11

Ngokombiko wezinhlangano zamalungelo abantu, izigameko zokuhlasela kwezulu ngalolu hlobo zejwayelekile esifundeni esisempumalanga kuleliya lizwe, nesicebe ngegolide.

Ngo-2016 kuleliya lizwe, umbani washaya isikole samabanga aphansi, kwashona abafundi abathathu kwathi uthisha walimala kanzima.

Kwenzeka lesi sigameko nje, izwekazi i-Afrika belisashaqwe ukushona kwezingane ezingu-9 ezidlule emhlabeni kulandela ukuthi umlilo wokhele indawo okulala kuyo abafundi abahlala ngaphakathi esikoleni samabanga aphezulu eKenya.

Ngemuva kokushona kwalezi zingane ngoMgqibelo, sekuvele ukuthi lo mlilo uqalwe ngamabomu.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.