Kushone izingane ezintathu umjondolo uthungeleka ngomlilo

2018-03-12 11:00

Cape Town - Kushone izingane ezintathu emlilweni oqubuke ngesikhathi umjondolo uthungeleka ngomlilo elokishini iKhayelitsha, ngaphandle kwaseKapa.

Lezi zingane ezineminyaka ephakathi kuka-7 no-14 ubudala bezilele ngesikhathi kuqala umlilo ekhaya kubo eliseminjondolo yaseNkanini ngeSonto.

Okhulumela izicishamlilo nezokutakula uTheo Layne, uthe ugogo walezi zingane ulimale kabi kulesi sigameko.

"Izingane ezimbili zamantombazane neyodwa yomfana zishonile ngemuva kokusha kabi. Owesifazane osekhulile naye ushe kabi kepha wasinda.

"Uthole usizo lwezempilo endaweni yesigameko ngaphambi kokuphuthunyiswa esibhedlela. Imbangela yomlilo ayaziwa okwamanje kepha uphenyo luyaqhubeka."

OLUNYE UDABA: Kushone 3 wezingane kusha umjondolo eKapa

Kwesinye isigameko esingahlobene nalesi, kushone owesilisa kwathi abanye abathathu balimala ngesikhathi kushayisana izimoto ezintathu ezimpambanweni zikaGreat North Road noBrentwood Park Road, eBrentwood, eBenoni, ngeSonto ekuseni.

Abezimo eziphuthumayo bakwaNetcare 911 bafike endaweni yesigameko ngabo-10:44 bathola enye inkampani yama-ambulensi isikhona, kusho okhulumela iNetcare 911 uShawn Herbst.

Uthe imibiko abayithole endaweni yesehlakalo itshengisa ukuthi kutholane phezulu izimoto ezintathu ezimpambanweni zomgwaqo, kwashona ikhehla, kwathi isalukazi salimala kabi.

Abanye abantu ababili bathole ukulimala okungatheni.

Bonke abalimele bathole ukwelashwa endaweni yesigameko ngaphambi kokuphuthunyiswa esibhedlela, kusho uHerbst.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.