Kushone nowakuleli kuphahlazeka indiza e-Angola

2017-10-14 13:03

Luanda - Kushone bonke abagibeli nezisebenzi ngesikhathi indiza eblibangise enhlokodolobha ye-Angola, iLuanda, iphahlazeka emaphandleni ezwe, kusho abezimo eziphuthumayo ngoLwesihlanu.

Leli bhanoyi elakhiwa eBrazil, le-Air Guicango, liphahlazeke ngoLwesine ngemuva kokusuka eDundo enyakatho mpumalanga eduzane nomngcele waseCongo, kusho isikhulu uFelismino Ndumba.

"Le ndiza isuke eDundo ngo-16:58 ilibangise eLuanda. Silahlekelane nayo ngemuva kokusuka esikhumulweni sezindiza," kusho uNdumba etshela i-AFP ngocingo.

OLUNYE UDABA: Kuphahlazeke indiza ebithwele abadlali bebhola

"Yonke imizamo yethu yokuxhumana nale ndiza iphunzile. Bebeyisikhombisa abantu abebephakathi, okubalwa owasePortugal nowaseNingizimu Afrika."

Umthombo ongaphakathi kuhulumeni utshele abezindaba ukuthi lesi sisulu sasePortugal bekuyisicishamlilo esineminyaka engu-39 ubudala.

"Akukwazi ukuthi kube khona abantu abasindile kule ngozi," esho.

Imbangela yale ngozi ayikaziwa okwamanje kepha kuthiwa le ndiza ike yavelelwa yinkinga ezinsukwini.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.