Kuthiwa abalindele izindaba ezimbi abashayeli bezimoto

2017-07-28 16:00

Johannesburg – Intengo kaphethiloli kulindeleke ukuthi iphinde inyuke eNingizimu Afrika, ngokusho kwe-Automobile Association (AA), nethi umbiko wentengo kaphethiloli wokuphela kwenyanga ongacwaningiwe nokhishwe yiCentral Energy Fund (CEF), uqinisekisa ukuqagula okwenziwe maphakathi nenyanga.

I-AA ithi: “Ukunyuka esikulindele ekupheleni kukaJulayi kwenziwe kakhulu ukuba ntekenteke kwerandi uma liqhathaniswa nedola laseMelika."

OLUNYE UDABA:Izwe lizovala ukudayiswa kwezimoto ezisebenzisa uphethiloli, udizili ngo-2040

Le nhlangano ithi irandi yilona elibe nengxenye enkulu yomthelela kulokhu kunyuka, kanti umthelela omncane ube ngenxa yentengo kawoyela emhlabeni wonke.

Uphethiloli kulindeleke ukuthi unyuke ngemali elinganiselwa ku-20 cents ilitha, udizili wona ulindeleke unyuke ngo-31 cents, bese kuthi uphalafini wona unyuke ngo-27 cents ilitha.

U-AA uthi yize noma irandi lilokhu liqhubeka nokungazinzi, intengo kawoyela ezweni lonke isinyuke kakhulu ezinsukwini eziyishumi ezedlule.

Le nhlangano ithi uma ngabe lokhu kulokhu kuqhubeka kwenzeka kuze kube u-Agasti, abashayeli bezimoto kuzofanele “balindele ezinye izindaba ezimbi”. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.