Kuthungathwa abasolwa ababulale unogada kuphangwa egalaji

2018-04-16 14:04

Amaphoyisa aseGauteng asephume inqina athungatha abasolwa kulandela ukubulawa kukanogada ngesikhathi kuqhubeka isigameko sokubamba inkunzi egalaji likaphethiloli eMarlboro Gardens, ngaseSandton.

Okhulumela amaphoyisa uCaptain Mavela Masondo uthe abasolwa abangaziwa bangene egalaji lakwaSasol ezintatha ngoMsombuluko.

"Abasolwa abebehlomile basabise izisebenzi ngezibhamu, baziphoqa ukuba zivule umnyango, zenza njengokusho kwabasolwa. Abasolwa babe sebeyalela wonke umuntu ukuba angene ngaphakathi, okubalwa nabasebenza ngaphandle," kuqhuba uMasondo.

"Babe sebeqhumisa isisefo semali babaleka nesamba semali esingadalulwanga."

OLUNYE UDABA: Amaphoyisa athungatha imigulukudu eqhumise ama-ATM amabili

Uthe ngesikhathi bebaleka abasolwa, badune i-Audi neToyota Avanza.

"Babe sebedubula unogada wenkampani eqapha isimo endaweni, obelibangise endaweni yesigameko ngemuva kokukhala kwe-alamu. Uhlonzwe njengoshonile khona endaweni yesigameko," kusho uMasondo.

Amaphoyisoa ayaphenya ngalesi sehlakalo.

INetcare911, efike endaweni yesigameko ngemuva kokudutshulwa kwalo nogada, ithe ubedutshulwe amahlandla amaningi.

"Kusolakala ukuthi ubeyohlola isimo kulandela ukuphangwa kwegalaji, ube esedubulana nabasolwa ngesikhathi etheleka endaweni yesigameko," kusho okhulumela iNetcare911 uTebogo Magoro.

"Okwamanje, imininingwane ngesigameko ayicaci kahle, kepha iziphathimandla zendawo zisendaweni yesehlakalo ziyaphenya."


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.