Kuzokwenziwa uphenyo ngokubulawa kukaChillies

2017-09-13 14:00

Durban - Uphiko olubheka ukusebenza kwamaphoyisa i-Ipid, seluqalise uphenyo ngesigameko sokudubula esenzeka eMlazi, eningizimu yeTheku.

Kulesi sigameko amaphoyisa adubula abulala isigebengu esaziwayo, uSandile "Chillies" Bhengu, 37.

Abangani baChillies bathi wadutshulwa engasiphethe isibhamu ngesikhathi sesigameko, kanti amaphoyisa wona athi ayezivikela.

Iqiniso ngesigameko lizovela kahle uma sekuphothulwe uphenyo.

Okhulumela  i-Ipid uMoses Dlamini utshele iDaily Sun ukuthi inhloso yophenyo ukuthola ukuthi ngabe uChillies wayeyingozi yini emaphoyiseni.

OLUNYE UDABA: Abafundi babuthane enkantolo bezokweseka osolwa ngokushaya

Uthe bazobiza ofakazi, ikakhulukazi labo ababekhona ngesikhathi sesigameko.

“Anginaso isiqiniseko sokuthi luzodonsa isikhathi esingakanani uphenyo ngoba kuzomele sithathe izitatimende ngokucophelela kulabo ababekhona endaweni yesigameko.

“Kuzoya nangokuthi ofakazi bayasebenzisana yini nethimba labaphenyi. Sifuna ukuphenyisisa,” kusho uDlamini.

UDlamini uthe ngeke bagcine ngokuphenya ngodaba lukaChillies kodwa nangamanye amacala abantu abafa ngezandla zamaphoyisa.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.